भारतीय विद्या भवन,इन्फोसिस फाऊंडेशनच्या सांस्कृतिक प्रसार कार्यक्रमांतर्गत आयोजन

पुणे :भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत ‘ अनन्य आशा’ या दिवाळी पहाट कार्यक्रमाचे आयोजन करण्यात आले आहे. ‘ सुरसखी,पुणे’ संस्थेच्या वतीने हा कार्यक्रम प्रस्तुत करण्यात येणार आहे.  ज्येष्ठ गायिका आशा भोसले यांनी गायलेल्या मराठी व हिंदी गीतांचा नजराणा या कार्यक्रमातून पेश केला जाणार आहे.शनीवार,दि. २६ ऑक्टोबर २०२४ रोजी सकाळी साडेसहा वाजता भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे हा कार्यक्रम होणार आहे. ‘भारतीय विद्या भवन’चे मानद सचिव प्रा.नंदकुमार काकिर्डे यांनी पत्रकाद्वारे ही माहिती दिली. हा कार्यक्रम विनामूल्य आहे. 

कार्यक्रमाची निर्मिती  मानिनी गुर्जर यांची आहे. संकल्पना व निवेदन रंजना काळे यांचे आहे. मानिनी गुर्जर, अनुराधा पटवर्धन, देवयानी सहस्रबुद्धे या गायिका गीते पेश करणार आहेत.साथसंगत संपदा खरे-देशपांडे (हार्मोनियम), भावना टिकले (तबला), शिल्पा आपटे (ढोलकी), उमा जटार (व्हायोलिन) किमया काणे (कीबोर्ड), उर्मिला भालेराव (साईड रिदम) यांची आहे.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत  होणारा हा २२७ वा कार्यक्रम आहे.