वृक्षवल्ली आम्हा सोयरे वनचरे

नवी मुंबई —वृक्षवल्ली आम्हा सोयरे वनचरे असं म्हणत गेली २ वर्षे प्रश्न फाउंडेशन मार्फत मुंबई, नवी मुंबई, रायगड, पालघर, सातारा, सांगली अशा विविध जिल्ह्यात ३००० पेक्षा जास्त झाडे लावून त्याचं संवर्धन करण्याचं काम यशस्वी रित्या करत असताना प्रश्न फाउंडेशन मार्फत (सिडबॉल) बीजगोळे बनवण्याचा आणि विविध जिल्यातील डोंगराळ भागात ते बीजगोळे टाकून वनराई नैसर्गिक रित्या वाढवण्याचा प्रयत्न करण्यात येत आहे.
२०२४ ह्या वर्षात ५००००( सिडबॉल) बीज गोळे तयार करून यशस्वी रित्या टाकल्यावर २०२५ म्हणजेच आताच्या वर्षात नेरूळ नवी मुंबई मधील तेरणा विद्यालय, नेरूळ नवी मुंबई ह्या शिक्षण संकुलातील पहिली ते सातवी इयत्तेतील १७७ विद्यार्थांना बीजगोळे बनवण्याचे प्रशिक्षण देऊन त्यांच्या मदतीने २८००० बीजगोळे (सीडबॉल) तयार करून पर्यावरणाविषयी योगदान दिले.
प्रश्न फाउंडेशन मार्फत राबवल्या जाणाऱ्या ह्या उपक्रमाबाबत शाळेच्या मुख्यधापिका सौ. मधुवंती काटवडे मॅडम आणि शिक्षक संतोष खांडगे सर म्हणतात “प्रश्न फाउंडेशन मार्फत राबवला जाणारा हा उपक्रम पर्यावरण पोषक आहे.
विद्यार्थ्यांना मातीशी जोडणारा हा उपक्रम आम्ही दरवर्षी शाळेत राबवू ह्यात शंका नाही.”
उपक्रमात आयोजन आणि नियोजनाची धुरा सांभाळणारे संस्थेचे अध्यक्ष सूरज उत्तम बिडगर ह्यांनी तेरणा विद्यालय, नेरूळ नवी मुंबई शिक्षण संकुलाचे आभार मानले. येत्या काळात विविध शिक्षण संस्था तसेच सामाजिक संस्थानी ह्या बीजगोळे बनवण्याच्या उपक्रमात सहभाग घ्यावा असे आवाहन केले.
विशेष म्हणजे प्रश्न फाउंडेशन ही संस्था सुरू करणारे विद्यार्थी हे तेरणा विद्यालय ह्या शाळेचे माजी विद्यार्थी असून आपलं दैनंदिन दिवसातील काम सांभाळून ही तरुण मंडळी हे सामाजिक उपक्रम राबवत आहे.